aaj ik aur baras biit gayā us ke baġhair
jis ke hote hue hote the zamāne mere
maiñ to masjid se chalā thā kisī ka.aba kī taraf
dukh to ye hai ki ibādat mirī bad-nām huī
main to masjid se chala tha kisi kaba ki taraf
dukh to ye hai ki ibaadat meri bad-nam hui
duniyā ne tajrabāt o havādis kī shakl meñ
jo kuchh mujhe diyā hai vo lauTā rahā huuñ maiñ
duniya ne tajrabaat o hawadis ki shakl mein
jo kuchh mujhe diya hai wo lauTa raha hun main
mire har amal ko sarāh kar ye aziyyateñ na diyā karo
mirī jaan tum bhī ajiib ho tumheñ rūThnā bhī to chāhiye
mere har amal ko sarah kar ye aziyyaten na diya karo
meri jaan tum bhi ajib ho tumhein ruThna bhi to chahiye
koī kyuuñ kisī kā lubhā.e dil koī kyā kisī se lagā.e dil
vo jo bechte the davā-e-dil vo dukān apnī baḌhā ga.e
koi kyun kisi ka lubhae dil koi kya kisi se lagae dil
wo jo bechte the dawa-e-dil wo dukan apni baDha gae
abhī na chheḌ mohabbat ke giit ai mutrib
abhī hayāt kā māhaul ḳhush-gavār nahīñ
abhi na chheD mohabbat ke git ai mutrib
abhi hayat ka mahaul KHush-gawar nahin
Jashn-e-Rekhta | 13-14-15 December 2024 - Jawaharlal Nehru Stadium , Gate No. 1, New Delhi
Devoted to the preservation & promotion of Urdu
A Trilingual Treasure of Urdu Words
Online Treasure of Sufi and Sant Poetry
World of Hindi language and literature
The best way to learn Urdu online
Best of Urdu & Hindi Books