Today's top 5 Urdu Shayari

hazār sham.a farozāñ ho raushnī ke liye

nazar nahīñ to añdherā hai aadmī ke liye

hazar shama farozan ho raushni ke liye

nazar nahin to andhera hai aadmi ke liye

āñkhoñ se mohabbat ke ishāre nikal aa.e

barsāt ke mausam meñ sitāre nikal aa.e

aankhon se mohabbat ke ishaare nikal aae

barsat ke mausam mein sitare nikal aae

burā na maan 'ziyā' us kī sāf-goī kā

jo dard-mand bhī hai aur be-adab bhī nahīñ

bura na man 'ziya' us ki saf-goi ka

jo dard-mand bhi hai aur be-adab bhi nahin

ek vo haiñ ki jinheñ apnī ḳhushī le Duubī

ek ham haiñ ki jinheñ ġham ne ubharne na diyā

ek wo hain ki jinhen apni KHushi le Dubi

ek hum hain ki jinhen gham ne ubharne na diya

agar tumhārī anā hī kā hai savāl to phir

chalo maiñ haath baḌhātā huuñ dostī ke liye

agar tumhaari ana hi ka hai sawal to phir

chalo main hath baDhata hun dosti ke liye