ye barso.n kaa ta'alluq to.D denaa chaahte hai.n ham ab apne aap ko bhii chho.D denaa chaahte hai.n ham

kise paane kii KHvaahish hai ki 'saajid' mai.n rafta rafta KHud ko kho rahaa huu.n

in duuriyo.n ne aur ba.Dhaa dii hai.n qurbate.n sab faasle vabaa kii tavaalat se miT ga.e

tire jaisaa meraa bhii haal thaa na sukuun thaa na qaraar thaa yahii 'umr thii mire ham-nashii.n ki kisii se mujh ko bhii pyaar thaa mai.n samajh rahaa huu.n tirii kasak tiraa meraa dard hai mushtarak isii Gam kaa tuu bhii asiir hai isii dukh kaa mai.n bhii shikaar thaa faqat ek dhun thii ki raat-din isii KHvaab-zaar me.n gum rahe.n vo suruur aisaa suruur thaa vo KHumaar aisaa KHumaar thaa kabhii lamha-bhar kii bhii guftuguu mirii us ke saath na ho sakii mujhe fursate.n nahii.n mil sakii.n vo havaa ke rath pe savaar thaa ham 'ajiib tarz ke log the ki hamaare aur hii rog the mai.n KHizaa.n me.n us kaa thaa muntazir use intizaar-e-bahaar thaa use pa.Dh ke tum na samajh sake ki mirii kitaab ke ruup me.n ko.ii qarz thaa ka.ii saal kaa ka.ii rat-jago.n kaa udhaar thaa

ab to KHud apnii zaruurat bhii nahii.n hai ham ko vo bhii din the ki kabhii terii zaruurat ham the

tumhe.n jab kabhii mile.n fursate.n mire dil se bojh utaar do mai.n bahut dino.n se udaas huu.n mujhe ko.ii shaam udhaar do

ab to KHud apnii zaruurat bhii nahii.n hai ham ko vo bhii din the ki kabhii terii zaruurat ham the