abhī se paañv ke chhāle na dekho

abhī yaaro safar kī ibtidā hai

abhi se panw ke chhaale na dekho

abhi yaro safar ki ibtida hai

vo ek pal kī rifāqat bhī kyā rifāqat thī

jo de ga.ī hai mujhe umar bhar kī tanhā.ī

wo ek pal ki rifaqat bhi kya rifaqat thi

jo de gai hai mujhe umar bhar ki tanhai

tālāb to barsāt meñ ho jaate haiñ kam-zarf

bāhar kabhī aape se samundar nahīñ hotā

talab to barsat mein ho jate hain kam-zarf

bahar kabhi aape se samundar nahin hota

jahāñ pe Duub gayā merī aas kā sūraj

usī jagah vo sitāra-shanās rahtā hai

jahan pe Dub gaya meri aas ka suraj

usi jagah wo sitara-shanas rahta hai

guzar rahā huuñ maiñ saudā-garoñ kī bastī se

badan pe dekhiye kab tak libās rahtā hai

guzar raha hun main sauda-garon ki basti se

badan pe dekhiye kab tak libas rahta hai

fitrat ke taqāze kabhī badle nahīñ jaate

ḳhushbū hai agar vo to bikharnā hī paḌegā

fitrat ke taqaze kabhi badle nahin jate

KHushbu hai agar wo to bikharna hi paDega