apne diye ko chāñd batāne ke vāste

bastī kā har charāġh bujhānā paḌā hameñ

apne diye ko chand batane ke waste

basti ka har charagh bujhana paDa hamein

dil pe kuchh aur guzartī hai magar kyā kiije

lafz kuchh aur hī iz.hār kiye jaate haiñ

dil pe kuchh aur guzarti hai magar kya kije

lafz kuchh aur hi izhaar kiye jate hain

duniyā to hai duniyā ki vo dushman hai sadā kī

sau baar tire ishq meñ ham ḳhud se laḌe haiñ

duniya to hai duniya ki wo dushman hai sada ki

sau bar tere ishq mein hum KHud se laDe hain

ġhurūr-e-ishq meñ ik inkisār-e-faqr bhī hai

ḳhamīda-sar haiñ vafā ko alam banāte hue

ghurur-e-ishq mein ek inkisar-e-faqr bhi hai

KHamida-sar hain wafa ko alam banate hue

zarā sī baat par said-e-ġhubār-e-yās honā

hameñ barbād kar degā bahut hassās honā

zara si baat par said-e-ghubar-e-yas hona

hamein barbaad kar dega bahut hassas hona