ik chhoTā sā thā merā āshiyāñ

aaj tinke se alag tinkā huā

ek chhoTa sa tha mera aashiyan

aaj tinke se alag tinka hua

ik mohabbat ke sivā aur na kuchh māñgā thā

kyā kareñ ye bhī zamāne ko gavārā na huā

ek mohabbat ke siwa aur na kuchh manga tha

kya karen ye bhi zamane ko gawara na hua

hameñ vāsta taḌap se hameñ kaam āñsuoñ se

tujhe yaad kar ke ro.e yā tujhe bhulā ke ro.e

hamein wasta taDap se hamein kaam aansuon se

tujhe yaad kar ke roe ya tujhe bhula ke roe

is bharī duniyā meñ koī bhī hamārā na huā

ġhair to ġhair haiñ apnoñ kā sahārā na huā

is bhari duniya mein koi bhi hamara na hua

ghair to ghair hain apnon ka sahaara na hua

murjhā chukā hai phir bhī ye dil phuul hī to hai

ab aap kī ḳhushī ise kāñToñ meñ tauliye

murjha chuka hai phir bhi ye dil phul hi to hai

ab aap ki KHushi ise kanTon mein tauliye