dard baḳhshā chain chhīnā dil ke TukḌe kar diye

haa.e kis zālim pe maiñ ne bhī bharosa kar liyā

dard baKHsha chain chhina dil ke TukDe kar diye

hae kis zalim pe main ne bhi bharosa kar liya

mujh ko kisī yazīd kī bai.at nahīñ qubūl

neze ye rakkho aao mirā sar bhī le chalo

mujh ko kisi yazid ki baiat nahin qubul

neze ye rakkho aao mera sar bhi le chalo

taḳhrīb ke parde meñ hī ta.amīr hai saaqī

shīsha koī pighlā hai to paimāna banā hai

taKHrib ke parde mein hi tamir hai saqi

shisha koi pighla hai to paimana bana hai

apnī sūrat dekhnā ho apne dil meñ dekhiye

dil sā duniyā meñ koī bhī aa.ina miltā nahīñ

apni surat dekhna ho apne dil mein dekhiye

dil sa duniya mein koi bhi aaina milta nahin

dil diyā vahshat liyā aur ḳhud ko rusvā kar liyā

muḳhtasar sī zindagī meñ maiñ ne kyā kyā kar liyā

dil diya wahshat liya aur KHud ko ruswa kar liya

muKHtasar si zindagi mein main ne kya kya kar liya