اکبر حیدری کشمیری کی شاعری

اکبر حیدری کشمیری کے اشعار

334
Favorite

باعتبار

مقبولیت

صبر کرتی ہی رہی بے چارگی

ظلم ہوتا ہی رہا مظلوم پر

اے اجل کچھ زندگی کا حق بھی ہے

زندگی تیری امانت ہی سہی

جبر سہتا ہوں مگر کب تک سہوں انسان ہوں

صبر کرتا ہوں مگر دل صبر کے قابل نہیں

ہر نفس منت کش آلام ہے

زندگی شاید اسی کا نام ہے

دیدنی ہے اب شکست ضبط کی بے چارگی

مسکراتا ہوں مگر دل درد سے لبریز ہے

زندگی ہے چشم عبرت میں ابھی

کچھ نہیں تو عیش و عشرت ہی سہی

آہ اب خود دارئ اکبر کہاں

ہو گئی وہ بھی غلام آرزو

حسن کی تفسیر بھی کچھ کیجیئے

عشق بے شک اک خیال خام ہے

عشق کی سادہ دلی ہے ہر طرف چھائی ہوئی

بارگاہ حسن میں ہر آرزو نوخیز ہے

بزم حسن و عشق میں اکبرؔ کی افسردہ دلی

داد کے لائق نہیں بے داد کے قابل نہیں