nahii.n teraa nasheman qasr-e-sultaanii ke gumbad par tuu shaahii.n hai baseraa kar pahaa.Do.n kii chaTaano.n me.n

vajuud-e-zan se hai tasviir-e-kaa.enaat me.n ra.ng isii ke saaz se hai zindagii kaa soz-e-daruu.n

qaum ne paiGaam-e-gautam kii zaraa parvaa na kii qadr pahchaanii na apne gauhar-e-yak-daana kii aah bad-qismat rahe aavaaz-e-haq se be-KHabar Gaafil apne phal kii shiiriinii se hotaa hai shajar aashkaar us ne kiyaa jo zindagii kaa raaz thaa hind ko lekin KHayaalii falsafa par naaz thaa sham-e-haq se jo munavvar ho ye vo mahfil na thii baarish-e-rahmat hu.ii lekin zamii.n qaabil na thii aah shuudar ke liye hindostaa.n Gam-KHaana hai dard-e-insaanii se is bastii kaa dil begaana hai barhaman sarshaar hai ab tak mai-e-pindaar me.n sham-e-gautam jal rahii hai mahfil-e-aGyaar me.n but-kada phir baad muddat ke magar raushan hu.aa nuur-e-ibraahiim se aazar kaa ghar raushan hu.aa phir uThii aaKHir sadaa tauhiid kii punjab se hind ko ik mard-e-kaamil ne jagaayaa KHvaab se

Dhuu.nDtaa phirtaa huu.n mai.n 'iqbaal' apne aap ko aap hii goyaa musaafir aap hii manzil huu.n mai.n

duniyaa kii mahfilo.n se uktaa gayaa huu.n yaa rab kyaa lutf anjuman kaa jab dil hii bujh gayaa ho shorish se bhaagtaa huu.n dil Dhuu.nDtaa hai meraa aisaa sukuut jis par taqriir bhii fidaa ho martaa huu.n KHaamushii par ye aarzuu hai merii daaman me.n koh ke ik chhoTaa saa jho.npa.Daa ho aazaad fikr se huu.n uzlat me.n din guzaaruu.n duniyaa ke Gam kaa dil se kaa.nTaa nikal gayaa ho lazzat sarod kii ho chi.Diyo.n ke chahchaho.n me.n chashme kii shorisho.n me.n baajaa saa baj rahaa ho gul kii kalii chaTak kar paiGaam de kisii kaa saaGar zaraa saa goyaa mujh ko jahaa.n-numaa ho ho haath kaa sirhaanaa sabze kaa ho bichhaunaa sharmaa.e jis se jalvat KHalvat me.n vo adaa ho maanuus is qadar ho suurat se merii bulbul nanhe se dil me.n us ke khaTkaa na kuchh miraa ho saf baa.ndhe dono.n jaanib buuTe hare hare ho.n naddii kaa saaf paanii tasviir le rahaa ho ho dil-fareb aisaa kohsaar kaa nazaara paanii bhii mauj ban kar uTh uTh ke dekhtaa ho aaGosh me.n zamii.n kii soyaa hu.aa ho sabza phir phir ke jhaa.Diyo.n me.n paanii chamak rahaa ho paanii ko chhuu rahii ho jhuk jhuk ke gul kii Tahnii jaise hasiin ko.ii aa.iina dekhtaa ho meh.ndii lagaa.e suuraj jab shaam kii dulhan ko surKHii liye sunahrii har phuul kii qabaa ho raato.n ko chalne vaale rah jaa.e.n thak ke jis dam ummiid un kii meraa TuuTaa hu.aa diyaa ho bijlii chamak ke un ko kuTiyaa mirii dikhaa de jab aasmaa.n pe har suu baadal ghiraa hu.aa ho pichhle pahr kii koyal vo sub.h kii mo.azzin mai.n us kaa ham-navaa huu.n vo merii ham-navaa ho kaano.n pe ho na mere dair o haram kaa ehsaa.n rauzan hii jho.npa.Dii kaa mujh ko sahar-numaa ho phuulo.n ko aa.e jis dam shabnam vazuu karaane ronaa miraa vazuu ho naala mirii du.aa ho is KHaamushii me.n jaa.e.n itne buland naale taaro.n ke qaafile ko merii sadaa diraa ho har dardmand dil ko ronaa miraa rulaa de behosh jo pa.De hai.n shaayad unhe.n jagaa de

maz.hab nahii.n sikhaataa aapas me.n bair rakhnaa hindii hai.n ham vatan hai hindostaa.n hamaaraa

tujhe yaad kyaa nahii.n hai mire dil kaa vo zamaana vo adab-gah-e-mohabbat vo nigah kaa taaziyaana ye butaan-e-asr-e-haazir ki bane hai.n madrase me.n na adaa-e-kaafiraana na taraash-e-aazraana nahii.n is khulii fazaa me.n ko.ii gosha-e-faraaGat ye jahaa.n ajab jahaa.n hai na qafas na aashiyaana rag-e-taak muntazir hai tirii baarish-e-karam kii ki ajam ke mai-kado.n me.n na rahii mai-e-muGaana mire ham-safiir ise bhii asar-e-bahaar samjhe unhe.n kyaa KHabar ki kyaa hai ye navaa-e-aashiqaana mire KHaak o KHuu.n se tuu ne ye jahaa.n kiyaa hai paidaa sila-e-shahid kyaa hai tab-o-taab-e-jaavedaana tirii banda-parvarii se mire din guzar rahe hai.n na gila hai dosto.n kaa na shikaayat-e-zamaana

na tuu zamii.n ke liye hai na aasmaa.n ke liye jahaa.n hai tere liye tuu nahii.n jahaa.n ke liye ye aql o dil hai.n sharar shola-e-mohabbat ke vo KHaar-o-KHas ke liye hai ye niistaa.n ke liye maqaam-e-parvarish-e-aah-o-laala hai ye chaman na sair-e-gul ke liye hai na aashiyaa.n ke liye rahegaa raavii o niil o furaat me.n kab tak tiraa safiina ki hai bahr-e-be-karaa.n ke liye nishaan-e-raah dikhaate the jo sitaaro.n ko taras ga.e hai.n kisii mard-e-raah-daa.n ke liye nigah buland suKHan dil-navaaz jaa.n pur-soz yahii hai raKHt-e-safar miir-e-kaarvaa.n ke liye zaraa sii baat thii andesha-e-ajam ne use ba.Dhaa diyaa hai faqat zeb-e-daastaa.n ke liye mire guluu me.n hai ik naGma jibra.iil-aashob sambhaal kar jise rakkhaa hai laa-makaa.n ke liye