dostoñ ke saath din meñ baiTh kar hañstā rahā

apne kamre meñ vo jā kar ḳhuub royā raat bhar

doston ke sath din mein baiTh kar hansta raha

apne kamre mein wo ja kar KHub roya raat bhar

hamāre biich vo chup-chāp baiThā rahtā hai

maiñ sochtā huuñ magar kuchh mujhe patā na lage

hamare bich wo chup-chap baiTha rahta hai

main sochta hun magar kuchh mujhe pata na lage

koī dīvār salāmat hai na ab chhat merī

ḳhāna-e-ḳhasta kī sūrat huī hālat merī

koi diwar salamat hai na ab chhat meri

KHana-e-KHasta ki surat hui haalat meri

rāsta sunsān thā to muḌ ke dekhā kyuuñ nahīñ

mujh ko tanhā dekh kar us ne pukārā kyuuñ nahīñ

rasta sunsan tha to muD ke dekha kyun nahin

mujh ko tanha dekh kar us ne pukara kyun nahin

silsila rone kā sadiyoñ se chalā aatā hai

koī aañsū mirī palkoñ pe Thahartā hī nahīñ

silsila rone ka sadiyon se chala aata hai

koi aansu meri palkon pe Thaharta hi nahin