dil meñ ab kuchh bhī nahīñ un kī mohabbat ke sivā

sab fasāne haiñ haqīqat meñ haqīqat ke sivā

dil mein ab kuchh bhi nahin un ki mohabbat ke siwa

sab fasane hain haqiqat mein haqiqat ke siwa

tumhārī zaat se mansūb hai dīvāngī merī

tumhīñ se ab mirī dīvāngī dekhī nahīñ jaatī

tumhaari zat se mansub hai diwangi meri

tumhin se ab meri diwangi dekhi nahin jati

kaise mumkin hai ki ham donoñ bichhaḌ jā.eñge

itnī gahrā.ī se har baat ko sochā na karo

kaise mumkin hai ki hum donon bichhaD jaenge

itni gahrai se har baat ko socha na karo

ġham-e-uqbā ġham-e-daurāñ ġham-e-hastī kī qasam

aur bhī ġham haiñ zamāne meñ mohabbat ke sivā

gham-e-uqba gham-e-dauran gham-e-hasti ki qasam

aur bhi gham hain zamane mein mohabbat ke siwa

mujh se ye pūchh rahe haiñ mire ahbāb 'azīz'

kyā milā shahr-e-suḳhan meñ tumheñ shohrat ke sivā

mujh se ye puchh rahe hain mere ahbab 'aziz'

kya mila shahr-e-suKHan mein tumhein shohrat ke siwa