داؤد محسن کی شاعری

ہر ایک شام سنور جائے گی مری محسنؔ

ہر ایک بات تمہاری ہے شاعری کی طرح

نہیں ہے پاس کسی کا کسی کو اے محسنؔ

کہ آزما کہ انہیں بار بار دیکھا ہے

زندگی ٹوٹ کے بکھری ہے سر راہ ابھی

حادثہ کہیے اسے یا کہ تماشا کہیے

اتنے فریب کھائے ہیں قربت میں یار کی

محسنؔ فریب اور بھی کھایا نہ جائے گا

کون اپنا ہے یہاں کون پرایا کہیے

کون دیتا ہے بھلا دکھ میں سہارا کہیے

میں چاہتا ہوں تمہیں اپنی زندگی کی طرح

مرے وجود پہ چھا جاؤ چاندنی کی طرح

افسانہ درد و غم کا سنایا نہ جائے گا

اب زخم دل کسی کو دکھایا نہ جائے گا

بات تیرے نام کی ہونے لگی

دل میں میرے سنسنی ہونے لگی

سارے جہاں میں قصے یہ مشہور ہو گئے

بھائی ہمارے منکر دستور ہو گئے

مسندیں تخت و تاج دستاریں

کون کس کے لئے لٹاتے ہیں

ہر طرف درد کا آہوں کا سماں ہوتا ہے

پانی جلتا ہے سمندر میں دھواں ہوتا ہے

ضبط کی تھی شرط دل سے جانے کیوں

لمحہ لمحہ بیکلی ہونے لگی

رفاقتوں کا جہاں تار تار دیکھا ہے

وجود زیست کا اڑتا غبار دیکھا ہے

لمحہ لمحہ پکارے جاتے ہیں

کون دل کے قریب آتے ہیں

زخم دل داغ جگر داغ تمنا کی قسم

چاند سے پھول سے ڈر ہم کو یہاں ہوتا ہے

کتنا عجیب تر ہے عقیدہ جناب کا

پتھر کی مورتوں سے وفا مانگ رہے ہو

داؤد محسن

تمام

تعارف

ای-کتاب6

افسانہ7

شعر16

غزل20

ای-کتاب6

داؤد محسن کے اشعار

Recitation

join rekhta family!

Rekhta Foundation

Rekhta Dictionary

Sufinama

Hindwi

Rekhta Learning

Rekhta Books