حسن رضوی کی شاعری

حسن رضوی کے اشعار

تھا جو ایک لمحہ وصال کا وہ ریاض تھا کئی سال کا

وہی ایک پل میں گزر گیا جسے عمر گزری پکارتے

نہ وہ اقرار کرتا ہے نہ وہ انکار کرتا ہے

ہمیں پھر بھی گماں ہے وہ ہمیں سے پیار کرتا ہے

اب اس سے بڑھ کے بھلا معتبر کہیں کس کو

زمانہ اس کا ہے ماضی و حال اس کے ہیں

یہ اس کے پیار کی باتیں فقط قصے پرانے ہیں

بھلا کچے گھڑے پر کون دریا پار کرتا ہے

کبھی کتابوں میں پھول رکھنا کبھی درختوں پہ نام لکھنا

ہمیں بھی ہے یاد آج تک وہ نظر سے حرف سلام لکھنا