sarhad-e-jāñ talak qalam-rau dil

is se aage nizām dard kā hai

sarhad-e-jaan talak qalam-rau dil

is se aage nizam dard ka hai

jab saaya bhī shīshe kī tarah TuuT gayā

dīvār ne dekhā ye tamāsha na kabhī

jab saya bhi shishe ki tarah TuT gaya

diwar ne dekha ye tamasha na kabhi

band āñkhoñ meñ saarā tamāsha dekh rahā thā

rasta rasta merā rasta dekh rahā thā

band aankhon mein sara tamasha dekh raha tha

rasta rasta mera rasta dekh raha tha

rotā hai koī kisī ke ġham meñ

sab apne hī dukh bichārte haiñ

rota hai koi kisi ke gham mein

sab apne hi dukh bichaarte hain

maiñ nahīñ miltā kisī se

band phāTak boltā hai

main nahin milta kisi se

band phaTak bolta hai