شہر کا بھی دستور وہی جنگل والا

کھوجنے والے ہی اکثر کھو جاتے ہیں

کبھی کبھی چپ ہو جانے کی خواہش ہوتی ہے

ایسے میں جب تیر ستم کی بارش ہوتی ہے

ابھی مرنے کی جلدی ہے عبادیؔ

اگر زندہ رہے تو پھر ملیں گے

ذرا سا درد اور اتنی دوائیں

پسند آئی نہیں چارہ گری تک

ہمارے ہاتھ کاٹے جا رہے تھے

تمہارے ہاتھ سے کرپان لے کر

میں زخم زخم نہیں ہوں مگر مسیحائی

مرے بدن میں مری جان کیوں نہیں رکھتی

ذرا ٹھہرو اسے آنے دو اس کی بات بھی سن لیں

ہمیں جو علم ہے گو دل کو دہلانے ہی والا ہے

یہ کیسا تنازع ہے کہ فیصل نہیں ہوتا

حق تیرا زیادہ ہے کہ حکام کا تیرے