kis se shikva kareñ vīrānī-e-hastī kā 'hayāt'

ham ne ḳhud apnī tamannāoñ ko jiine na diyā

kis se shikwa karen virani-e-hasti ka 'hayat'

hum ne KHud apni tamannaon ko jine na diya

hazār shauq numāyāñ the jis nazar se kabhī

vahī nigāh baḌī ajnabī sī lagtī hai

hazar shauq numayan the jis nazar se kabhi

wahi nigah baDi ajnabi si lagti hai

ḳhushbū sī koī aa.e to lagtā hai ki tum ho

shīsha kahīñ Takrā.e to lagtā hai ki tum ho

KHushbu si koi aae to lagta hai ki tum ho

shisha kahin Takrae to lagta hai ki tum ho

ek ḳhushbū sī ubhartī hai nafas se mere

ho na ho aaj koī aan basā hai mujh meñ

ek KHushbu si ubharti hai nafas se mere

ho na ho aaj koi aan basa hai mujh mein

tamām umr bhaTakte rahe jo rāhoñ meñ

dikhā rahe haiñ vahī aaj rāstā mujh ko

tamam umr bhaTakte rahe jo rahon mein

dikha rahe hain wahi aaj rasta mujh ko