مرزا داؤد بیگ کی شاعری

مرزا داؤد بیگ کے اشعار

249
Favorite

باعتبار

مقبولیت

شیشۂ آبرو سنبھال اے دل

دور الٹا چلا ہے دنیا کا

دیکھنا ہے پیا کی زلف دراز

یا الٰہی مجھے دے عمر دراز

ولیؔ ثانی نہیں داؤد لیکن

غزل کہتا ہے ہر اک با تلازم

سن نصیحت مری اے زاہد خشک

اشک کے آب بن وضو مت کر

ہر کتاب صحبت رنگیں کے معنی دیکھ کر

فرد تنہائی کے مضموں کوں کیا ہوں انتخاب

پیو بنا دل مرا اداسی ہے

گاہ جوگی ہے گاہ سنیاسی ہے

یک قدم راہ دوست ہے داؤدؔ

لیکن افسوس پائے بخت ہے لنگ

تجھ ہجر کی اگن کوں بوجھانے اے سنگ دل

کوئی آب زن رفیق بجز چشم تر نہیں

دیا اس خوش نین نے رات کوں مجھ کوں سراغ اپنا

کیا میں روغن بادام سوں روشن چراغ اپنا

صاف دل ہو گر ہے تجھ کوں خواہش ترک ہوا

آب آئینہ اوپر آتا نہیں ہرگز حباب

رقم کرنے کوں وصف زلف دل دار

مجھے ہر وقت مشق لام ہے بس

سر کاٹ کیوں جلاتے ہیں روشن دلاں کے تئیں

آہن دلی پہ خلق کی خنداں ہوں مثل شمع