chhup sakā dam bhar na rāz-e-dil firāq-e-yār meñ

vo nihāñ jis dam huā sab āshkārā ho gayā

chhup saka dam bhar na raaz-e-dil firaq-e-yar mein

wo nihan jis dam hua sab aashkara ho gaya

dekh kar tūl-e-shab-e-hijr duā kartā huuñ

vasl ke roz se bhī umr mirī kam ho jaa.e

dekh kar tul-e-shab-e-hijr dua karta hun

wasl ke roz se bhi umr meri kam ho jae

gayā shabāb na paiġhām-e-vasl-e-yār aayā

jalā do kaaT ke is naḳhl meñ na baar aayā

gaya shabab na paigham-e-wasl-e-yar aaya

jala do kaT ke is naKHl mein na bar aaya

na sikandar hai na daarā hai na qaisar hai na jam

be-mahal ḳhaak meñ haiñ qasr banāne vaale

na sikandar hai na dara hai na qaisar hai na jam

be-mahal KHak mein hain qasr banane wale

nahīñ butoñ ke tasavvur se koī dil ḳhālī

ḳhudā ne un ko diye haiñ makān sīnoñ meñ

nahin buton ke tasawwur se koi dil KHali

KHuda ne un ko diye hain makan sinon mein