ai dil tamām naf.a hai saudā-e-ishq meñ

ik jaan kā ziyāñ hai so aisā ziyāñ nahīñ

ai dil tamam nafa hai sauda-e-ishq mein

ek jaan ka ziyan hai so aisa ziyan nahin

vo aur va.ada vasl kā qāsid nahīñ nahīñ

sach sach batā ye lafz unhī kī zabāñ ke haiñ

wo aur wada wasl ka qasid nahin nahin

sach sach bata ye lafz unhi ki zaban ke hain

'āzurdā' mar ke kūcha-e-jānāñ meñ rah gayā

dī thī duā kisī ne ki jannat meñ ghar mile

'azurda' mar ke kucha-e-jaanan mein rah gaya

di thi dua kisi ne ki jannat mein ghar mile

is dard-e-judā.ī se kahīñ jaan nikal jaa.e

'āzurdā' mire haq meñ zarā yuuñ bhī duā kar

is dard-e-judai se kahin jaan nikal jae

'azurda' mere haq mein zara yun bhi dua kar

nāseh yahāñ ye fikr hai siina bhī chaak ho

hai fikr-e-baḳhiya tujh ko garebāñ ke chaak meñ

naseh yahan ye fikr hai sina bhi chaak ho

hai fikr-e-baKHiya tujh ko gareban ke chaak mein