ناصر زیدی کی شاعری

ناصر زیدی کے اشعار

ہاں یہ خطا ہوئی تھی کہ ہم اٹھ کے چل دیے

تم نے بھی تو پلٹ کے پکارا نہیں ہمیں

رات سنسان ہے گلی خاموش

پھر رہا ہے اک اجنبی خاموش

کوئی سناٹا سا سناٹا ہے

کاش طوفان اٹھا دے کوئی

میں بے ہنر تھا مگر صحبت ہنر میں رہا

شعور بخشا ہمہ رنگ محفلوں نے مجھے

وہ یوں ملا ہے کہ جیسے کبھی ملا ہی نہ تھا

ہماری ذات پہ جس کی عنایتیں تھیں بہت

وہ بھی کیا دن تھے کہ جب عشق کیا کرتے تھے

ہم جسے چاہتے تھے چوم لیا کرتے تھے

دیکھا اسے تو آنکھ سے آنسو نکل پڑے

دریا اگرچہ خشک تھا پانی تہوں میں تھا