نیا چار دن میں پرانا ہوا

یہی سب ہوا تو نیا کیا ہوا

کھولو نہ کوئی عیب کسی کا بھی یہاں پر

آسیب کو مل جائے گا دروازہ کھلا سا

خالی دیوار بری لگتی ہے

میری تصویر ہی رہنے دیتے

تہہ بہ تہہ کھلتی ہی رہتی ہے سدا

میرؔ کے دیوان سی ہے زندگی

ہم کتابوں میں جسے پاتے ہیں حارثؔ

آدمی ویسا کوئی ملتا کہاں ہے

انہیں آگے نکل جانے دو حارثؔ

بلائیں کب سے پیچھا کر رہی ہیں

اپنا سچ اس کو سنانے کے لیے

ہم کو قصوں کا حوالہ چاہیئے

وقت بدلا سوچ بدلی بات بدلی

ہم سے بچے کہہ رہے ہیں ہم نئے ہیں

صدائیں ڈوبتی ہیں جب

خموشی مسکراتی ہے