mīThī bāteñ, kabhī talḳh lahje ke tiir

dil pe har din hai un kā karam bhī nayā

miThi baaten, kabhi talKH lahje ke tir

dil pe har din hai un ka karam bhi naya

bātoñ se phuul jhaḌte the lekin ḳhabar na thī

ik din laboñ se un ke hī nashtar bhī ā.eñge

baaton se phul jhaDte the lekin KHabar na thi

ek din labon se un ke hi nashtar bhi aaenge

tere bin hayāt kī soch bhī gunāh thī

ham qarīb-e-jāñ tirā hisār dekhte rahe

tere bin hayat ki soch bhi gunah thi

hum qarib-e-jaan tera hisar dekhte rahe

ātish-e-ishq se bachiye ki yahāñ ham ne bhī

mom kī tarah se patthar ko pighalte dekhā

aatish-e-ishq se bachiye ki yahan hum ne bhi

mom ki tarah se patthar ko pighalte dekha

Daal dī pairoñ meñ us shaḳhs ke zanjīr yahāñ

vaqt ne jis ko zamāne meñ uchhalte dekhā

Dal di pairon mein us shaKHs ke zanjir yahan

waqt ne jis ko zamane mein uchhalte dekha