añdhere ko nigaltā jā rahā huuñ

diyā huuñ aur jaltā jā rahā huuñ

andhere ko nigalta ja raha hun

diya hun aur jalta ja raha hun

kahīñ āñkheñ kahīñ baazū kahīñ se sar nikal aa.e

añdherā phailte hī har taraf se Dar nikal aa.e

kahin aankhen kahin bazu kahin se sar nikal aae

andhera phailte hi har taraf se Dar nikal aae

lafz le kar ḳhayāl kī vus.at

sher kī tāzgī kī samt gayā

lafz le kar KHayal ki wusat

sher ki tazgi ki samt gaya

shāḳh-dar-shāḳh tirī yaad kī hariyālī hai

ham ne shādāb bahut dil kā shajar rakkhā hai

shaKH-dar-shaKH teri yaad ki hariyali hai

hum ne shadab bahut dil ka shajar rakkha hai

vo chāñd TuuT gayā jis se raat raushan thī

chamak rahe the falak par jo sab sitāre ga.e

wo chand TuT gaya jis se raat raushan thi

chamak rahe the falak par jo sab sitare gae