سرشار صدیقی کی شاعری

سرشار صدیقی کے اشعار

اجڑے ہیں کئی شہر، تو یہ شہر بسا ہے

یہ شہر بھی چھوڑا تو کدھر جاؤ گے لوگو

نیند ٹوٹی ہے تو احساس زیاں بھی جاگا

دھوپ دیوار سے آنگن میں اتر آئی ہے

اک کار محال کر رہا ہوں

زندہ ہوں کمال کر رہا ہوں

میں نے عبادتوں کو محبت بنا دیا

آنکھیں بتوں کے ساتھ رہیں دل خدا کے ساتھ

نا مستجاب اتنی دعائیں ہوئیں کہ پھر

میرا یقیں بھی اٹھ گیا رسم دعا کے ساتھ

سرشارؔ میں نے عشق کے معنی بدل دیے

اس عاشقی میں پہلے نہ تھا وصل کا چلن

مری طلب میں تکلف بھی انکسار بھی تھا

وہ نکتہ سنج تھا سب میرے حسب حال دیا