آپ کے دم سے تو دنیا کا بھرم ہے قائم

آپ جب ہیں تو زمانے کی ضرورت کیا ہے

غم کا خزانہ تیرا بھی ہے میرا بھی

یہ نذرانہ تیرا بھی ہے میرا بھی

بے سبب بات بڑھانے کی ضرورت کیا ہے

ہم خفا کب تھے منانے کی ضرورت کیا ہے

کچھ تو ہو رات کی سرحد میں اترنے کی سزا

گرم سورج کو سمندر میں ڈبویا جائے

اس سوچ میں زندگی بتا دی

جاگا ہوا ہوں کہ سو رہا ہوں

کانٹوں کو پلا کے خون اپنا

راہوں میں گلاب بو رہا ہوں

گرنے دو تم مجھے مرا ساغر سنبھال لو

اتنا تو میرے یار کرو میں نشے میں ہوں

وہ بھی دھرتی پہ اتاری ہوئی مخلوق ہی ہے

جس کا کاٹا ہوا انسان نہ پانی مانگے

شہر میں گلیوں گلیوں جس کا چرچا ہے

وہ افسانہ تیرا بھی ہے میرا بھی

تباہ کر گئی پکے مکان کی خواہش

میں اپنے گاؤں کے کچے مکان سے بھی گیا

اتنی جلدی تو بدلتے نہیں ہوں گے چہرے

گرد آلود ہے آئینے کو دھویا جائے

مے خانہ کی بات نہ کر واعظ مجھ سے

آنا جانا تیرا بھی ہے میرا بھی

ٹھکراؤ اب کہ پیار کرو میں نشے میں ہوں

جو چاہو میرے یار کرو میں نشے میں ہوں

پایا نہیں وہ جو کھو رہا ہوں

تقدیر کو اپنی رو رہا ہوں

کون ہے اپنا کون پرایا کیا سوچیں

چھوڑ زمانہ تیرا بھی ہے میرا بھی

تیرا کوچہ ترا در تیری گلی کافی ہے

بے ٹھکانوں کو ٹھکانے کی ضرورت کیا ہے

زندگی اک آنسوؤں کا جام تھا

پی گئے کچھ اور کچھ چھلکا گئے