shagufta phuul jo dekhe to 'shauq' yaad aayā

diye the daaġh bhī gulshan ne be-shumār mujhe

shagufta phul jo dekhe to 'shauq' yaad aaya

diye the dagh bhi gulshan ne be-shumar mujhe

batā nasīb-e-nasheman maiñ kyā duā māñgūñ

jo āsmāñ kī taraf raushnī nazar aa.e

bata nasib-e-nasheman main kya dua mangun

jo aasman ki taraf raushni nazar aae

aaj tak dair-o-haram meñ teġh hī chaltī rahī

laakh ham-rindoñ ne chāhā shīsha-o-sāġhar chaleñ

aaj tak dair-o-haram mein tegh hi chalti rahi

lakh ham-rindon ne chaha shisha-o-saghar chalen

mire ḳhayāl kī vus.at meñ haiñ hazār chaman

kahāñ kahāñ se nikālegī ye bahār mujhe

mere KHayal ki wusat mein hain hazar chaman

kahan kahan se nikalegi ye bahaar mujhe

abhī farq hai aadmī aadmī meñ

abhī duur hai aadmī aadmī se

abhi farq hai aadmi aadmi mein

abhi dur hai aadmi aadmi se

mātam-e-marg-e-tamannā na samajh ai nādāñ

zindagī bol rahī hai mire afsāne meñ

matam-e-marg-e-tamanna na samajh ai nadan

zindagi bol rahi hai mere afsane mein

vo ġham ho yā alam ho dard ho yā ālam-e-vahshat

use apnā samajh ai zindagī jo tere kaam aa.e

wo gham ho ya alam ho dard ho ya aalam-e-wahshat

use apna samajh ai zindagi jo tere kaam aae