اجنبی راستوں پر بھٹکتے رہے

آرزوؤں کا اک قافلا اور میں

تکوگے راہ سہاروں کی تم میاں کب تک

قدم اٹھاؤ کہ تقدیر انتظار میں ہے

اگر پھولوں کی خواہش ہے تو سن لو

کسی کی راہ میں کانٹے نہ رکھنا

یہ مانا وہ شجر سوکھا بہت ہے

مگر اس میں ابھی سایا بہت ہے

پڑوسی کے مکاں میں چھت نہیں ہے

مکاں اپنے بہت اونچے نہ رکھنا

مرے عیبوں کو گنوایا تو سب نے

کسی نے میری غم خواری نہیں کی

دیر تک مل کے روتے رہے راہ میں

ان سے بڑھتا ہوا فاصلا اور میں

فرشتوں میں بھی جس کے تذکرے ہیں

وہ تیرے شہر میں رسوا بہت ہے

ہم کو خبر ہے شہر میں اس کے سنگ ملامت ملتے ہیں

پھر بھی اس کے شہر میں جانا کتنا اچھا لگتا ہے

خطا میں نے کوئی بھاری نہیں کی

امیر شہر سے یاری نہیں کی