mil bhī jaatā jo kahīñ āb-e-baqā kyā karte

zindagī ḳhud bhī thī jiine kī sazā kyā karte

mil bhi jata jo kahin aab-e-baqa kya karte

zindagi KHud bhi thi jine ki saza kya karte

lamha-dar-lamha guzartā hī chalā jaatā hai

vaqt ḳhushbū hai bikhartā hī chalā jaatā hai

lamha-dar-lamha guzarta hi chala jata hai

waqt KHushbu hai bikharta hi chala jata hai

palak jhapakne meñ kuchh ḳhvāb TuuT jaate haiñ

jo but-shikan hai vahī lamha but-tarāsh bhī thā

palak jhapakne mein kuchh KHwab TuT jate hain

jo but-shikan hai wahi lamha but-tarash bhi tha

māñgne ko to yahāñ apne sivā kuchh bhī na thā

lab pe aatā bhī agar harf-e-duā kyā karte

mangne ko to yahan apne siwa kuchh bhi na tha

lab pe aata bhi agar harf-e-dua kya karte

rivāyatoñ ko salīboñ se kar diyā āzād

yahī rasan to sar-e-dār toḌ dī maiñ ne

riwayaton ko salibon se kar diya aazad

yahi rasan to sar-e-dar toD di main ne