har ek mausam meñ raushnī sī bikherte haiñ

tumhāre ġham ke charāġh merī udāsiyoñ meñ

har ek mausam mein raushni si bikherte hain

tumhaare gham ke charagh meri udasiyon mein

har ik muflis ke māthe par alam kī dāstāneñ haiñ

koī chehra bhī paḌhtā huuñ to āñkheñ bhiig jaatī haiñ

har ek muflis ke mathe par alam ki dastanen hain

koi chehra bhi paDhta hun to aankhen bhig jati hain

jo tū nahīñ hai to ye mukammal na ho sakeñgī

tirī yahī ahmiyat hai merī kahāniyoñ meñ

jo tu nahin hai to ye mukammal na ho sakengi

teri yahi ahmiyat hai meri kahaniyon mein

pahle tujhe banāyā banā kar miTā diyā

jitne bhī faisle kiye saare ġhalat kiye

pahle tujhe banaya bana kar miTa diya

jitne bhi faisle kiye sare ghalat kiye

tumhārā naam likhne kī ijāzat chhin ga.ī jab se

koī bhī lafz likhtā huuñ to āñkheñ bhiig jaatī haiñ

tumhaara nam likhne ki ijazat chhin gai jab se

koi bhi lafz likhta hun to aankhen bhig jati hain