زمانے بھر کو ہے امید اسی سے

وہ ناامید ایسا کر رہا ہے

سطحی لوگوں میں گہرائی ہوتی ہے

یہ ڈوبے تو پانی گہرا ہوتا ہے

جس کی کچھ تعبیر نہ ہو

خواب اسی کو کہتے ہیں

کچھ نہ ہوتے ہوتے اک دن یہ ہوا

سیکڑوں صدیوں کا حاصل ہو گئے

زرد چہرے کو بڑے شوق سے سب دیکھتے ہیں

ٹوٹنے والے ہیں سرسبز شجر سے ہم بھی

خوشی سے اپنا گھر آباد کر کے

بہت روئیں گے تم کو یاد کر کے

اور احساس جہالت بڑھ گیا

کس قدر پڑھ لکھ کے جاہل ہو گئے

صدیوں میں کوئی ایک محبت ہوتی ہے

باقی تو سب کھیل تماشا ہوتا ہے

کسی دن عقدۂ مشکل بھی کھلتا

کبھی ہم پر بھی تم آسان ہوتے

یوں ہی ہم درد اپنا کھو رہے ہیں

یہی رونا ہے ہم کیوں رو رہے ہیں