na jaane ham se gila kyuuñ hai tishna-kāmoñ ko

hamāre haath meñ mai thī na daur-e-sāġhar thā

na jaane hum se gila kyun hai tishna-kaamon ko

hamare hath mein mai thi na daur-e-saghar tha

jaise jaise āgahī baḌhtī ga.ī vaise 'zahīr'

zehn o dil ik dūsre se munfasil hote ga.e

jaise jaise aagahi baDhti gai waise 'zahir'

zehn o dil ek dusre se munfasil hote gae

us ke alfāz-e-tasallī ne rulāyā mujh ko

kuchh ziyāda hī dhuāñ aag bujhāne se uThā

us ke alfaz-e-tasalli ne rulaya mujh ko

kuchh ziyaada hi dhuan aag bujhane se uTha

dard to zaḳhm kī paTTī ke haTāne se uThā

aur kuchh aur bhī marham ke lagāne se uThā

dard to zaKHm ki paTTi ke haTane se uTha

aur kuchh aur bhi marham ke lagane se uTha

zarre zarre meñ bikhar jaanā hai takmīl-e-hayāt

mujh ko ye zebā nahīñ ab zaat meñ simTā rahūñ

zarre zarre mein bikhar jaana hai takmil-e-hayat

mujh ko ye zeba nahin ab zat mein simTa rahun

itne chehroñ meñ mujhe hai ek chehre kī talāsh

jis ko maiñ ne kho ke paayā pā ke khoyā sub.h tak

itne chehron mein mujhe hai ek chehre ki talash

jis ko main ne kho ke paya pa ke khoya subh tak