ذوالفقار احمد تابش کی شاعری

ذوالفقار احمد تابش کے اشعار

پیڑوں کی گھنی چھاؤں اور چیت کی حدت تھی

اور ایسے بھٹکنے میں انجان سی لذت تھی

یہ در و دیوار پر بے نام سے چپ چاپ سائے

پھولوں رستوں اور بچوں کی حفاظت چاہتے ہیں

یہ نقش خوش نما دراصل نقش عاجزی ہے

کہ اصل حسن تو اندیشۂ بہزاد میں ہے

وہ سانحہ ہوا تھا کہ بس دل دہل گئے!

اک شب میں سارے شہر کے چہرے بدل گئے

کس کا چہرہ ڈھونڈا دھوپ اور چھاؤں میں

اور خوابوں میں رنگ بھرے تو کس کے لیے

ہمارے شہر میں آنے کی صورت چاہتی ہیں

ہوائیں باریابی کی اجازت چاہتی ہیں