تو میسر تھا تو دل میں تھے ہزاروں ارماں

تو نہیں ہے تو ہر اک سمت عجب رنگ ملال

وہ میری راہ میں کانٹے بچھائے میں لیکن

اسی کو پیار کروں اس پہ اعتبار کروں

کیوں ہمارے سانس بھی ہوتے ہیں لوگوں پر گراں

ہم بھی تو اک عمر لے کر اس جہاں میں آئے تھے

عجیب وحشتیں حصے میں اپنے آئی ہیں

کہ تیرے گھر بھی پہنچ کر سکوں نہ پائیں ہم

کس کو بتائیں اب کہ نہ چل کر تمام عمر

ہم نے خود اپنے آپ میں کتنا سفر کیا

نہ جانے آج یہ کس کا خیال آیا ہے

خوشی کا رنگ لیے ہر ملال آیا ہے

اب یہ ہوگا شاید اپنی آگ میں خود جل جائیں گے

تم سے دور بہت رہ کر بھی کیا پایا کیا پائیں گے