انیس ابر کی شاعری

انیس ابر کے اشعار

تجھ پہ جمی ہیں سب کی نظریں

تیری نظر میں کون رہے گا

میں مسکراتا مگر دی نہ اشک نے مہلت

خوشی جب ایک ملی ساتھ غم ہزار ملے

ابرؔ دنیا کو چھوڑ جانے کا

اک بہانہ تلاش کرنا ہے

لفظ یوں خامشی سے لڑتے ہیں

جس طرح غم ہنسی سے لڑتے ہیں

موت کی آرزو میں دیوانے

عمر بھر زندگی سے لڑتے ہیں

آج انساں کو تپتے صحرا میں

بہتا دریا تلاش کرنا ہے

پھر اہل عشق کی تخلیق ہوتی ہے پہلے

جنوں کی آگ میں برسوں خمیر رہتا ہے

کیوں ہاتھ دل سے لگاتے ہو بار بار اپنا

کیا دل میں اب بھی کوئی بے نظیر رہتا ہے