zindagii tujh ko bhulaayaa hai bahut din ham ne vaqt KHvaabo.n me.n ga.nvaayaa hai bahut din ham ne ab ye nekii bhii hame.n jurm nazar aatii hai sab ke aibo.n ko chhupaayaa hai bahut din ham ne tum bhii is dil ko dukhaa lo to ko.ii baat nahii.n apnaa dil aap dukhaayaa hai bahut din ham ne muddato.n tark-e-tamannaa pe lahuu royaa hai ishq kaa qarz chukaayaa hai bahut din ham ne kyaa pataa ho bhii sake is kii talaafii ki nahii.n shaa.erii tujh ko ga.nvaayaa hai bahut din ham ne

ash.aar mire yuu.n to zamaane ke liye hai.n kuchh sher faqat un ko sunaane ke liye hai.n

itne maayuus to haalaat nahii.n log kis vaaste ghabraa.e hai.n

aahaT sii ko.ii aa.e to lagtaa hai ki tum ho saaya ko.ii lahraa.e to lagtaa hai ki tum ho

ye ilm kaa saudaa ye risaale ye kitaabe.n ik shaKHs kii yaado.n ko bhulaane ke liye hai.n

kuchal ke phe.nk do aa.nkho.n me.n KHvaab jitne hai.n isii sabab se hai.n ham par azaab jitne hai.n

log kahte hai.n ki tuu ab bhii KHafaa hai mujh se terii aa.nkho.n ne to kuchh aur kahaa hai mujh se

mu.aaf kar na sakii merii zindagii mujh ko vo ek lamha ki mai.n tujh se ta.ng aayaa thaa

aur kyaa is se ziyaada ko.ii narmii bartuu.n dil ke zaKHmo.n ko chhu.aa hai tire gaalo.n kii tarah

aahaT sii ko.ii aa.e to lagtaa hai ki tum ho saaya ko.ii lahraa.e to lagtaa hai ki tum ho jab shaaKH ko.ii haath lagaate hii chaman me.n sharmaa.e lachak jaa.e to lagtaa hai ki tum ho sandal se mahaktii hu.ii pur-kaif havaa kaa jho.nkaa ko.ii Takraa.e to lagtaa hai ki tum ho o.Dhe hu.e taaro.n kii chamaktii hu.ii chaadar naddii ko.ii bal khaa.e to lagtaa hai ki tum ho jab raat ga.e ko.ii kiran mere baraabar chup-chaap sii so jaa.e to lagtaa hai ki tum ho