lams kī vo raushnī bhī bujh ga.ī

jism ke andar añdherā aur hai

lams ki wo raushni bhi bujh gai

jism ke andar andhera aur hai

bistar pe leTe leTe mirī aañkh lag ga.ī

ye kaun mere kamre kī battī bujhā gayā

bistar pe leTe leTe meri aankh lag gai

ye kaun mere kamre ki batti bujha gaya

har ek shāḳh ke hāthoñ meñ phuul mahkeñge

ḳhizāñ kā peḌ bhī kapḌe badalnā chāhtā hai

har ek shaKH ke hathon mein phul mahkenge

KHizan ka peD bhi kapDe badalna chahta hai

dil ko dukhātī hai phir bhī kyuuñ achchhī lagtī hai

yādoñ kī ye shaam suhānī dil meñ qaid huī

dil ko dukhati hai phir bhi kyun achchhi lagti hai

yaadon ki ye sham suhani dil mein qaid hui

jugnū thā taarā thā kyā thā

darvāze par kaun khaḌā thā

jugnu tha tara tha kya tha

darwaze par kaun khaDa tha