بہت ہیں سجدہ گاہیں پر در جاناں نہیں ملتا

ہزاروں دیوتا ہیں ہر طرف انساں نہیں ملتا

نہ آئے تم نہ آؤ تم کہ اب آنے سے کیا حاصل

خود اب تو ہم سے اپنی شکل پہچانی نہیں جاتی

مری جاں تیری خاطر جاں کا سودا

بہت مہنگا بھی ہے دشوار بھی ہے

گھٹن تو دل کی رہی قصر مرمریں میں بھی

نہ روشنی سے ہوا کچھ نہ کچھ ہوا سے ہوا

یہ وقفہ ساعتوں کا چند صدیوں کے برابر ہے

وہ اب آواز دیتے ہیں تو پہچانی نہیں جاتی

تمہارے نام پہ دل اب بھی رک سا جاتا ہے

یہ بات وہ ہے کہ اس سے مفر نہیں ہوتا

ہجر کی بات یا وصال کی بات

دل نے پھر کی ترے ملال کی

وہ کہاں اور حرف تلخ کہاں

تم نے کی ہوگی اشتعال کی بات

کس سے پوچھیں کہ ہم کدھر جائیں

یاد اب ہم کو وہ گلی ہی نہیں

مر مٹے اہل حال لب نہ کھلے

حرف منصور صرف قال کی بات

صدائے شہر فسوں ہے نظر نہ در سے ہٹا

وہ مثل سنگ ہوا جس نے لوٹ کر دیکھا

معراج کمال قدوسی، آغاز شعور انساں ہے

کیا کوئی حقیقت تجریدی، الفاظ میں بھی محصور ہوئی؟

آدمی ہیں چند دن میں مر رہیں گے دیکھنا

ہم ہزاروں سال دنیا میں رہیں پتھر نہیں

مشکل انکار حسن کو ہو مگر

سخت ہے عشق پر سوال کی بات