anā ne donoñ ke biich nafrat kī ek dīvār khīñch dī hai

udhar se aane kā mas.ala hai idhar se jaane kā mas.ala hai

ana ne donon ke bich nafrat ki ek diwar khinch di hai

udhar se aane ka masala hai idhar se jaane ka masala hai

bahut ġhurūr thā sūraj ko apnī shiddat par

so ek pal hī sahī bādaloñ se haar gayā

bahut ghurur tha suraj ko apni shiddat par

so ek pal hi sahi baadalon se haar gaya

maiñ ro paḌūñgā bahut bhīñch ke gale na lagā

maiñ pahle jaisā nahīñ huuñ kisī kā dukh hai mujhe

main ro paDunga bahut bhinch ke gale na laga

main pahle jaisa nahin hun kisi ka dukh hai mujhe

mere māthe pe ubhar aate the vahshat ke nuqūsh

merī miTTī kisī sahrā se uThā.ī ga.ī thī

mere mathe pe ubhar aate the wahshat ke nuqush

meri miTTi kisi sahra se uThai gai thi

mujhe bachā le mire yaar soz-e-imshab se

ki ik sitāra-e-vahshat jabīñ se guzregā

mujhe bacha le mere yar soz-e-imshab se

ki ek sitara-e-wahshat jabin se guzrega