chāñd mashriq se nikaltā nahīñ dekhā maiñ ne

tujh ko dekhā hai to tujh sā nahīñ dekhā maiñ ne

chand mashriq se nikalta nahin dekha main ne

tujh ko dekha hai to tujh sa nahin dekha main ne

maiñ bhī apnī zaat meñ ābād huuñ

mere andar bhī qabīle haiñ bahut

main bhi apni zat mein aabaad hun

mere andar bhi qabile hain bahut

ye vāqi.a mirī āñkhoñ ke sāmne kā hai

sharāb naach rahī thī gilās baiThe rahe

ye waqia meri aankhon ke samne ka hai

sharab nach rahi thi gilas baiThe rahe

tum apne dariyā kā ronā rone aa jaate ho

ham to apne saat samundar pīchhe chhoḌ aa.e haiñ

tum apne dariya ka rona rone aa jate ho

hum to apne sat samundar pichhe chhoD aae hain

tum se milne kā bahāna tak nahīñ

aur bichhaḌ jaane ke hiile haiñ bahut

tum se milne ka bahana tak nahin

aur bichhaD jaane ke hile hain bahut