maiñ badalte hue hālāt meñ Dhal jaatā huuñ

dekhne vaale adākār samajhte haiñ mujhe

main badalte hue haalat mein Dhal jata hun

dekhne wale adakar samajhte hain mujhe

maiñ sar-ba-sajda sakūñ meñ nahīñ safar meñ huuñ

jabīñ pe daaġh nahīñ aabla banā huā hai

main sar-ba-sajda sakun mein nahin safar mein hun

jabin pe dagh nahin aabla bana hua hai

phaloñ ke saath kahīñ ghoñsle na gir jaa.eñ

ḳhayāl rakhtā huuñ patthar uchhāltā huā maiñ

phalon ke sath kahin ghonsle na gir jaen

KHayal rakhta hun patthar uchhaalta hua main

raushnī bāñTtā huuñ sarhadoñ ke paar bhī maiñ

ham-vatan is liye ġhaddār samajhte haiñ mujhe

raushni banTta hun sarhadon ke par bhi main

ham-watan is liye ghaddar samajhte hain mujhe

yaar bhī raah kī dīvār samajhte haiñ mujhe

maiñ samajhtā thā mire yaar samajhte haiñ mujhe

yar bhi rah ki diwar samajhte hain mujhe

main samajhta tha mere yar samajhte hain mujhe