sab kaa KHushii se faasla ek qadam hai har ghar me.n bas ek hii kamra kam hai

justujuu jis kii thii us ko to na paayaa ham ne is bahaane se magar dekh lii duniyaa ham ne

mire suuraj aa! mire jism pe apnaa saaya kar ba.Dii tez havaa hai sardii aaj Gazab kii hai

zindagii jab bhii tirii bazm me.n laatii hai hame.n ye zamii.n chaa.nd se behtar nazar aatii hai hame.n surKH phuulo.n se mahak uThtii hai.n dil kii raahe.n din Dhale yuu.n tirii aavaaz bulaatii hai hame.n yaad terii kabhii dastak kabhii sargoshii se raat ke pichhle-pahar roz jagaatii hai hame.n har mulaaqaat kaa anjaam judaa.ii kyuu.n hai ab to har vaqt yahii baat sataatii hai hame.n

ab raat kii diivaar ko Dhaanaa hai zaruurii ye kaam magar mujh se akele nahii.n hogaa

chal chal ke thak gayaa hai ki manzil nahii.n ko.ii kyuu.n vaqt ek mo.D pe Thahraa hu.aa saa hai

siine me.n jalan aa.nkho.n me.n tuufaan saa kyuu.n hai is shahr me.n har shaKHs pareshaan saa kyuu.n hai

aks-e-yaad-e-yaar ko dhundlaa kiyaa hai mai.n ne KHud ko jaan kar tanhaa kiyaa hai

dard ke phuul bhii khilte hai.n bikhar jaate hai.n zaKHm kaise bhii ho.n kuchh roz me.n bhar jaate hai.n raasta roke kha.Dii hai yahii uljhan kab se ko.ii puuchhe to kahe.n kyaa ki kidhar jaate hai.n chhat kii ka.Diyo.n se utarte hai.n mire KHvaab magar merii diivaaro.n se Takraa ke bikhar jaate hai.n narm alfaaz bhalii baate.n mohazzab lahje pahlii baarish hii me.n ye rang utar jaate hai.n us dariiche me.n bhii ab ko.ii nahii.n aur ham bhii sar jhukaa.e hu.e chup-chaap guzar jaate hai.n

tab ham dono.n vaqt churaa kar laate the ab milte hai.n jab bhii fursat hotii hai