be-makan mere KHwab hone lage

be-makāñ mere ḳhvāb hone lage

ratjage bhī azaab hone lage

husn kī mahfiloñ kā vazn baḌhā

jab se ham bāryāb hone lage

hai ajab lams un ke hāthoñ kā

sañg-reze gulāb hone lage

ab pighalne lage haiñ patthar bhī

rābte kāmyāb hone lage

merā sach bolnā qayāmat thā

kaise kaise itaab hone lage

zikr thā un kī bevafā.ī kā

aap kyuuñ aab aab hone lage

pur-sukūñ hijr sā.ateñ dekhūñ

vasl lamhe azaab hone lage

ham bhī kahne lage haiñ raat ko raat

ham bhī goyā ḳharāb hone lage

kuchh zabāñ se nikal gayā thā yūñhī

kyuuñ ḳhafā aañ janāb hone lage

ai 'zakī' mujh ko mil ga.ī me.arāj

mere sher intiḳhāb hone lage

be-makan mere KHwab hone lage

ratjage bhi azab hone lage

husn ki mahfilon ka wazn baDha

jab se hum baryab hone lage

hai ajab lams un ke hathon ka

sang-reze gulab hone lage

ab pighalne lage hain patthar bhi

rabte kaamyab hone lage

mera sach bolna qayamat tha

kaise kaise itab hone lage

zikr tha un ki bewafai ka

aap kyun aab aab hone lage

pur-sukun hijr saaten dekhun

wasl lamhe azab hone lage

hum bhi kahne lage hain raat ko raat

hum bhi goya KHarab hone lage

kuchh zaban se nikal gaya tha yunhi

kyun KHafa aan janab hone lage

ai 'zaki' mujh ko mil gai mearaj

mere sher intiKHab hone lage