aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

ڈگمگاتے کبھی قدموں کو سنبھلتے دیکھا

قیصر خالد

ڈگمگاتے کبھی قدموں کو سنبھلتے دیکھا

قیصر خالد

MORE BYقیصر خالد

    ڈگمگاتے کبھی قدموں کو سنبھلتے دیکھا

    راہ الفت پہ مگر لوگوں کو چلتے دیکھا

    نفرتیں مل گئیں معصوم دلوں میں اکثر

    چاہتوں کو دل سفاک میں پلتے دیکھا

    حوصلہ تھا کوئی مقصد یا سلیقہ، اس کو

    وقت کے تند تھپیڑوں میں سنبھلتے دیکھا

    جن کو پالا تھا بہاروں نے جہاں بھر کی، انہیں

    آزمائش کی کڑی دھوپ میں جلتے دیکھا

    بے جھجھک چل نہ سکا دشت وفا میں اب تک

    رکتے دیکھا کبھی اس شوخ کو چلتے دیکھا

    سبزہ و گل پہ ہوا رکھتی ہے شبنم لیکن

    پھر ہوا کو ان ہی قطروں کو کچلتے دیکھا

    شہر یا شہر سے باہر نہیں، اپنے گھر میں

    ہم نے اقدار زمانہ کو بدلتے دیکھا

    آزمائش ہے، اجازت ہے کہ مجبوری ہے

    ظلم کو ہم نے یہاں پھولتے پھلتے دیکھا

    آتش عشق سے بچئے کہ یہاں ہم نے بھی

    موم کی طرح سے پتھر کو پگھلتے دیکھا

    اپنے جذبات تو مشہور تھے لیکن ہم نے

    تھے جو ہشیار بہت ان کو ابلتے دیکھا

    ڈال دی پیروں میں اس شخص کے زنجیر یہاں

    وقت نے جس کو زمانے میں اچھلتے دیکھا

    بذلہ سنجی پہ بہت ناز تھا جن کو اپنی

    ہم نے ان کو بھی یہاں زہر اگلتے دیکھا

    روز یہ مشرق و مغرب کا تماشہ کیوں ہے

    اگتے دیکھا ہے جسے اس کو ہی ڈھلتے دیکھا

    آ گیا یاد وہ بچپن کا زمانہ خالدؔ

    جب کہیں پھول سے بچوں کو اچھلتے دیکھا

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    بولیے