ilahi kya kabhi pure ye arman ho bhi sakte hain
![Abrar Shahjahanpuri Abrar Shahjahanpuri](https://www.rekhta.org/Content/Images/quillm.png)
ilahi kya kabhi pure ye arman ho bhi sakte hain
Abrar Shahjahanpuri
MORE BYAbrar Shahjahanpuri
ilāhī kyā kabhī puure ye armāñ ho bhī sakte haiñ
mire kāshāna-e-dil meñ vo mehmāñ ho bhī sakte haiñ
koī sayyād se pūchhe ki o nā-vāqif-e-ulfat
ye dīvāne kahīñ pāband-e-zindāñ ho bhī sakte haiñ
batā ai ḳhizr rāh-e-ishq meñ manzil hai aisī bhī
kahīñ ham vāqif-e-asrār-e-jānāñ ho bhī sakte haiñ
zabān-e-shauq par chhā jā.egā māyūsī-e-paiham
lab-e-ḳhāmosh rūdād-e-dil-o-jāñ ho bhī sakte haiñ
ba-pās-e-ehtirām-e-ishq ham ḳhāmosh haiñ varna
pareshāñ kar bhī sakte haiñ pareshāñ ho bhī sakte haiñ
kabhī ai dīda-e-ḳhūñ-bāz tū ne ye bhī sochā hai
ye tohfe bāryāb-e-bazm-e-jānāñ ho bhī sakte haiñ
nizām-e-zindagī 'abrār' kab tak darham-o-barham
kahīñ yakjā ye aurāq-e-pareshāñ ho bhī sakte haiñ
ilahi kya kabhi pure ye arman ho bhi sakte hain
mere kashana-e-dil mein wo mehman ho bhi sakte hain
koi sayyaad se puchhe ki o na-waqif-e-ulfat
ye diwane kahin paband-e-zindan ho bhi sakte hain
bata ai KHizr rah-e-ishq mein manzil hai aisi bhi
kahin hum waqif-e-asrar-e-jaanan ho bhi sakte hain
zaban-e-shauq par chha jaega mayusi-e-paiham
lab-e-KHamosh rudad-e-dil-o-jaan ho bhi sakte hain
ba-pas-e-ehtiram-e-ishq hum KHamosh hain warna
pareshan kar bhi sakte hain pareshan ho bhi sakte hain
kabhi ai dida-e-KHun-baz tu ne ye bhi socha hai
ye tohfe baryab-e-bazm-e-jaanan ho bhi sakte hain
nizam-e-zindagi 'abrar' kab tak darham-o-barham
kahin yakja ye auraq-e-pareshan ho bhi sakte hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.