na dhup dhup rahe aur na saya saya to

na dhuup dhuup rahe aur na saayā saayā to

junūn-e-shauq agar phir vahīñ pe laayā to

qadam baḌhā to luuñ ābādiyoñ kī samt magar

mujhe vo DhūñDhtā tanhā.iyoñ meñ aayā to

sulūk ḳhud se harīfāna kaun chāhegā

agarche tū ne mujhe zindagī nibhāyā to

maiñ jis kī oT meñ mausam kī maar sahtā huuñ

kahīñ khañDar bhī vo bārish ne ab ke Dhāyā to

magar ga.ī na mahak mujh se mere maazī kī

nadī kī dhaar meñ sau baar maiñ nahāyā to

sharīf log the aadī the band kamroñ ke

laraz uThe kisī ne qahqaha lagāyā to

hai rasm-o-rāh kī sūrat abhī ġhanīmat hai

nadī ne dekh mujhe haath phir hilāyā to

na dhup dhup rahe aur na saya saya to

junun-e-shauq agar phir wahin pe laya to

qadam baDha to lun aabaadiyon ki samt magar

mujhe wo DhunDhta tanhaiyon mein aaya to

suluk KHud se harifana kaun chahega

agarche tu ne mujhe zindagi nibhaya to

main jis ki oT mein mausam ki mar sahta hun

kahin khanDar bhi wo barish ne ab ke Dhaya to

magar gai na mahak mujh se mere mazi ki

nadi ki dhaar mein sau bar main nahaya to

sharif log the aadi the band kamron ke

laraz uThe kisi ne qahqaha lagaya to

hai rasm-o-rah ki surat abhi ghanimat hai

nadi ne dekh mujhe hath phir hilaya to