pesh-e-zamīñ rahūñ ki pas-e-āsmāñ rahūñ
rahtā huuñ apne saath maiñ chāhe jahāñ rahūñ
kaisā jahāñ kahāñ kā makāñ kaun lā-makāñ
ya.anī agar kahīñ na rahūñ to kahāñ rahūñ
ai ishq merā honā na honā hai mujh talak
ab maiñ nishān khīñchūñ ki maiñ be-nishāñ rahūñ
kyā DhūñDhtā rahūñ maiñ yūñhī dahr meñ sabāt
kyā marg-e-nā-gahāñ ke liye nā-gahāñ rahūñ
ḳhākistar-e-sitāra hai ā.inda-e-numū
behtar yahī hai maiñ kisī jānib ravāñ rahūñ
pesh-e-zamin rahun ki pas-e-asman rahun
rahta hun apne sath main chahe jahan rahun
kaisa jahan kahan ka makan kaun la-makan
yani agar kahin na rahun to kahan rahun
ai ishq mera hona na hona hai mujh talak
ab main nishan khinchun ki main be-nishan rahun
kya DhunDhta rahun main yunhi dahr mein sabaat
kya marg-e-na-gahan ke liye na-gahan rahun
KHakistar-e-sitara hai aainda-e-numu
behtar yahi hai main kisi jaanib rawan rahun
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
