shikast man ke tasKHir kar liya hai mujhe

shikast maan ke tasḳhīr kar liyā hai mujhe

ġhazāl-e-dasht ne zanjīr kar liyā hai mujhe

maiñ muntashir thā kisī aks-e-rā.egāñ kī tarah

nigāh-e-shauq ne tasvīr kar liyā hai mujhe

bikhar gayā thā sar-e-shahr-e-āshiyāna maiñ

kisī ke rabt ne ta.amīr kar liyā hai mujhe

nikal ke jā.ūñ kahāñ maiñ hisār-e-gardish se

safar ne paañv meñ zanjīr kar liyā hai mujhe

sukūt-e-ġham se badan ḳhaak ho chalā thā magar

tilism-e-lams ne iksīr kar liyā hai mujhe

mire suḳhan meñ samā kar kitāb-rū ne mirī

ḳhud apne husn kī tafsīr kar liyā hai mujhe

maiñ ik ḳhayāl sar-e-rahguzār-e-shab thā 'sa.īd'

kisī ke ḳhvāb ne ta.abīr kar liyā hai mujhe

shikast man ke tasKHir kar liya hai mujhe

ghazal-e-dasht ne zanjir kar liya hai mujhe

main muntashir tha kisi aks-e-raegan ki tarah

nigah-e-shauq ne taswir kar liya hai mujhe

bikhar gaya tha sar-e-shahr-e-ashiyana main

kisi ke rabt ne tamir kar liya hai mujhe

nikal ke jaun kahan main hisar-e-gardish se

safar ne panw mein zanjir kar liya hai mujhe

sukut-e-gham se badan KHak ho chala tha magar

tilism-e-lams ne iksir kar liya hai mujhe

mere suKHan mein sama kar kitab-ru ne meri

KHud apne husn ki tafsir kar liya hai mujhe

main ek KHayal sar-e-rahguzar-e-shab tha 'said'

kisi ke KHwab ne tabir kar liya hai mujhe