teri talab mujhe hairan kyun nahin rakhti

Khalid Ebadi

teri talab mujhe hairan kyun nahin rakhti

Khalid Ebadi

MORE BYKhalid Ebadi

    tirī talab mujhe hairān kyuuñ nahīñ rakhtī

    sharīk-e-mauja-e-imkān kyuuñ nahīñ rakhtī

    maiñ zaḳhm zaḳhm nahīñ huuñ magar masīhā.ī

    mire badan meñ mirī jaan kyuuñ nahīñ rakhtī

    maiñ jhāñkne ke liye to na kahtā duniyā se

    ye hoshiyār garebān kyuuñ nahīñ rakhtī

    mujādila zarūrī hai to chaman naam

    bahār jañg maidān kyuuñ nahīñ rakhtī

    ajab tarah mashaqqat meñ Daal detī hai

    zamīn-e-ḳhalq mirā dhyān kyuuñ nahīñ rakhtī

    azīz-tar hai unheñ ḳhvāb to shikast-e-ḳhvāb

    mirī misāl pareshān kyuuñ nahīñ rakhtī

    teri talab mujhe hairan kyun nahin rakhti

    sharik-e-mauja-e-imkan kyun nahin rakhti

    main zaKHm zaKHm nahin hun magar masihai

    mere badan mein meri jaan kyun nahin rakhti

    main jhankne ke liye to na kahta duniya se

    ye hoshiyar gareban kyun nahin rakhti

    mujadila hi zaruri hai to chaman ka nam

    bahaar jang ka maidan kyun nahin rakhti

    ajab tarah ki mashaqqat mein Dal deti hai

    zamin-e-KHalq mera dhyan kyun nahin rakhti

    aziz-tar hai unhen KHwab to shikast-e-KHwab

    meri misal pareshan kyun nahin rakhti

    Source :
    • Book : khush ahjaar (Pg. 25)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY