ترا احسان غزل ہے

ناشر : بزم علم و فن، اسلام آباد

سن اشاعت : 2009

زبان : Urdu

موضوعات : شاعری

ذیلی زمرہ جات : غزل

صفحات : 199

ISBN نمبر /ISSN نمبر : 978-969-8488-58-1

معاون : عاصم واسطی

For any query/comment related to this ebook, please contact us at haidar.ali@rekhta.org

کتاب: تعارف

عاصم واسطی پیشے کے اعتبار سے نامور ڈاکٹر ہیں لیکن شعر وادب میں ایک نامور شاعر کی حیثیت سے بھی معروف ہیں۔ان کے تین شعری مجموعے "کرن کرن اندھیرا، آگ کی صلیب اور"ترااحسان غزل ہے" منظر عام پر آچکے ہیں۔ پیش نظر ان کا آخری الذکر مجموعہ "ترا احسان غزل ہے" جس کا نام ان ہی کےایک شعر سے ماخوذ ہے۔جس کے متعلق خود شاعر کہتے ہیں۔ "میری تیسری کاوش آپ کے سامنے ہے۔میں نے شاعری کی مروجہ قدروں سے صرف اس قدر بغاوت کی ہے کہ غزل میں جو تن آسانی اور آسان خیالی عود کر آئی ہے اس سے مکمل تو نہیں مگر کچھ نہ کچھ اجتناب ضرور کیا ہے۔" عاصم واسطی کی شاعری اسلوب کی سادگی اور واردات قلبی کے موثر بیاں کے ساتھ قارئین کو متوجہ کرنے میں کامیاب ہے۔ شاعر کا کلام ان کے باطن کی گھٹن ،بے چینی اور فکر و آگہی کا عکاس ہے۔ اسی لیے شاعر بے ساختہ کہتے ہیں کہ الہام کے مالک ترااحسان غزل ہے۔

.....مزید پڑھئے

مصنف: تعارف

عاصم واسطی پیشے کے اعتبار سے نامور ڈاکٹرہیں شعر گوئی کا ہنر اپنے ماحول سے کشید کیا۔ بچپن سے شعر وادب کی خوشبو گھر میں والدمحترم کی دجہ سے پھیلی ہوئی تھی۔ ادب کے بڑے بڑے ناموں کی قربت اورشفقت بچپن سے ہی ملی۔والد پروفیسر صلاح الدین شوکت واسطی نے انگلی پکڑکر ادب کے راستے پر بھی چلنا سکھا دیا۔عاصم واسطی انگلستان گئے تو اپنی توجہ کا مرکز تعلیم کو بنا لیا، طویل عرصہ انگلستان میں ہی مقیم رہے تعلیم مکمل کرتے ہی شعروشاعری نے پھراپنی طرف متوجہ کر لیا۔ شاعری نے فضاؤں کو سازگاز پایا تو کرن کرن اندھیرا،آگ کی صلیب اورترا احسان غزل ہے نامی تین شعری مجموعوں میں اتر آئی۔ عاصم واسطی دو ڈھائی سال سے ابوظبی کے ایک سرکاری ہسپتال میں کنسلٹینٹ کی حیثیت سے فرائض کی انجام دہی میں مصروف ہیں۔ اور شاعری کی طرف بھی پوری

توجہ سے لگے ہوئے ہیں ۔ کرن کرن اندھیرا اور آگ کی صلیب کے بعد کتاب کا نام ترا احسان غزل ہے جیسارکھنے کا مطلب صاف نظر آرہا ہے کہ طبیعت کی بے چینی اور ناآسودگی جو ناپسندیدہ سماجی ماحول کی گھٹن سے پیدا ہوتی ہے وہ گھٹن اور بے چینی شاعری نے اپنے اندر کہیں جذب کر لی فکرو آگہی کے نئے در یچے کھل گئے ہیں اور شاعر جان چکا ہے کہ جو کچھ بھی ہے اسی کی عطا ہے ۔ عاصم واسطی بے ساختہ کہتے ہیں الہام کے مالک ترا احسان غزل ہے ان کے شعروں پر نظرڈالیں تو کلام میں سادگی و پر کاری کا انداز نمایا ں ہے۔

.....مزید پڑھئے

For any query/comment related to this ebook, please contact us at haidar.ali@rekhta.org