chand

ham samjhe the ruuTh ke ham se aañsū aañsū royā chāñd

lekin tāroñ kā kahnā hai badlī oḌh ke soyā chāñd

kis ke dil par choT paḌī hai kis kī āñkheñ bhar aa.iiñ

kis ne ashkoñ ke sāgar meñ aap hī aap Duboyā chāñd

vo āñkhoñ kī ThanDak bhī thā hirdai kā santosh bhī thā

us kī qismat phuuT ke roī jis ke hāthoñ khoyā chāñd

vo bhī log haiñ jin se milne chāñd zamīñ par aatā hai

lekin ham ne har mausam meñ apne sar pe Dhoyā chāñd

chāñd ke hañste mukhḌe par jab dukh kī dhuul nazar aatī

ek divāne ne ro ro kar shabnam shabnam dhoyā chāñd

bastī vaale samjhe chandā badlī meñ hogā 'nasrīn'

lekin raat mire pahlū meñ mere aTariyā soyā chāñd

hum samjhe the ruTh ke hum se aansu aansu roya chand

lekin taron ka kahna hai badli oDh ke soya chand

kis ke dil par choT paDi hai kis ki aankhen bhar aain

kis ne ashkon ke sagar mein aap hi aap Duboya chand

wo aankhon ki ThanDak bhi tha hirdai ka santosh bhi tha

us ki qismat phuT ke roi jis ke hathon khoya chand

wo bhi log hain jin se milne chand zamin par aata hai

lekin hum ne har mausam mein apne sar pe Dhoya chand

chand ke hanste mukhDe par jab dukh ki dhul nazar aati

ek diwane ne ro ro kar shabnam shabnam dhoya chand

basti wale samjhe chanda badli mein hoga 'nasrin'

lekin raat mere pahlu mein mere aTariya soya chand